Lagunduko dizugu?

Zer-nolako bezeroa zara?
10 kW-eko edo gutxiagoko potentzia
Etxean potentzia ertaineko eta txikiko gailuak erabiltzen badituzu, hala nola mikrouhin-labea, garbigailua edo telebista, edo potentzia handiko aparaturen bat baduzu, hala nola klimatizazio-sistema bat, potentzia moderatua manten dezakezu.
10 kW-tik gorako potentzia eta goi-tentsioa
Etxean potentzia handiko gailu bat baino gehiago badituzu, hala nola klimatizazio-sistema bat edo ibilgailu elektriko bat kargatzeko puntu bat, edo mota horretako gailu asko aldi berean erabiltzen badituzu, litekeena da potentzia handiagoa behar izatea.
Elektrizitatea ≤ 10 kW
Elektrizitatea > 10 kW
2.0TD tarifen ordu-banaketa
Sakatu irudiaren gainean handitzeko
Tarifen egutegia
2.0TD tarifarako ordu-tarteak asteko egunaren, orduaren eta eremu geografikoaren arabera ezarriko dira, eta egutegi bana izango dute potentziak (Punta eta Harana) eta energiak (Punta, Laua eta Harana).
Muturreko pontentzia-aldia
Puntako potentziaren ordu-tarteak energiaren Punta eta Laua ordu-tarteak hartzen ditu eta Harana, berriz, bat dator bi terminoetan.
Aldi murriztua
Gainera, asteburuetako 24 orduak eta jaiegun nazionalak Haraneko alditzat hartzen dira potentzia eta energiarako.
*Penintsula eta uharteetan aplika daitekeen egutegia. Ceutak eta Melillak beren egutegi propioa dute deskargatzeko moduko artxiboan.
2.0TD tarifa
2.0 eta 2.1 tarifa zuten bezero guztiek, A, DHA edo DHS bertsioa zutela ere, bidesari egitura bera izango dute, 2.0TD izenekoa, eta honako ezaugarri hauek izango ditu:
2 potentzia-aldi
Aldi bakoitzean potentzia desberdin bat kontratatzeko aukera ematen du. Ekainaren 1ean, kontratatutako aurreko potentzia automatikoki mantendu zen bi aldietan, baina potentzia aldatu ahal izan zen nahi zen aldian, zure beharretara egokitzeko.
Energiarako 3 ordu-tarte
Zure erosotasunerako, Iberdrolaren konpromisoa da gaur egun fakturan aplikatzen diren energia-ordutegiak mantentzea, hala nola Planetatik Zure Neurrira sustatutako aldia. Baina, nahi izanez gero, bidesari-tarifa berriaren energiarako 3 ordu-tarte dituzten kontratazio-modalitateak ditugu.
Energiaren eta potentziaren prezioak araudi berriak aldatutako kontzeptu arautuetara eguneratu ziren, eta, horregatik, aldaketa horiek, gorantz edo beherantz, bezeroarekiko leial bihurtu ziren.
Aldaketa horien ondorioz, potentzia terminoaren prezioa (finkoa) murriztu egin zen, eta energia terminoaren prezioa (aldakorra), berriz, igo. Ildo orokorretan, ohiko fakturazioaren oso antzekoa geratu zen.
Hala ere, gure bezeroek ez dute ezertaz kezkatu behar, aldaketa horiek guztiak automatikoki egin baitziren.
Arau-aldaketa horiei buruzko informazio gehiago nahi izanez gero, kontsultatu dokumentu hau.
3.0TD eta 6.XTD tarifa berria
3.0A tarifa zuten bezero guztiek 3.0TD tarifa izango dute eta 3.1A edo 6.XA zutenak, berriz, 6.XTD tarifan bilduko dira, tentsioaren arabera. Bi tarifa berri hauek ezaugarri berak izango dituzte:
6 potentzia-aldi
Eta tarte bakoitzean kontratatutako potentzia bera edo desberdina. Goranzko mailean araua bete beharko da; hots, tarte bakoitzerako kontratatutako potentziak aurreko tartekoaren bera edo goragokoa izan beharko du. Oraingo 3 potentziak 6 potentzia berrietara egokitzeko prozesua 3/2020 Zirkularrean xedatutakoaren arabera egingo da.
Energiarako 6 ordu-tarte
Potentziaren kasuan bezala, ordutegi desberdina dute hilabetearen eta astegunaren arabera.
Potentziaren fakturazioari dagokionez, ekainaren 1etik, fakturatu beharreko potentzia beti izango da kontratatutakoa eta ootentzia hori baino handiagoa eskatuz gero bakarrik fakturatuko dira gehiegizko potentzia gisa. Gehiegizko potentzia hauek aparteko termino gisa agertuko dira fakturan: "Gehiegizko Potentzia Terminoa".
Energiaren eta potentziaren prezioak eguneratu egin behar dira araudi berriak araututako kontzeptuen arabera, eta, horregatik, gorazko nahiz beheranzko aldaketa horiek bezeroari aplikatuko dizkiogu, modu leialean. Aldaketa hauen ondorioz, potentzia-terminoa (finkoa) murriztu egingo da eta energia-terminoak (aldakorra), aldiz, gora egingo du. Azkenerako, gutxi gorabehera, ohiko fakturaren antzerakoa izango dafakturazio berria. Hala ere, gure bezeroek ez dute ezertaz kezkatu behar. Izan ere, aldaketa hauek guztiak automatikoki egingo dira.
Hala ere, gure bezeroek ez dute ezertaz kezkatu behar, aldaketa horiek guztiak automatikoki egin baitziren.
Arau-aldaketa horiei buruzko informazio gehiago nahi izanez gero, kontsultatu dokumentu hau.
Kontsumo arduratsua
Tarifa horien bidez energiaren kontsumo arduratsua sustatu nahi da; izan ere, fakturan kontrol handiagoa egongo da, termino aldagarrian jardun ahal izango baita, dela etxetresna elektriko eraginkorragoekin, dela energia-kontsumoa murrizten duten eguneroko ohiturekin. Gainera, indarra hartzen ari diren teknologien integrazio handiagoa ahalbidetzen da, hala nola mugikortasun elektrikoa eta autokontsumoa.

Baduzu galderarik?

Hona hemen zalantza ohikoenetako batzuk

Orokorra Potentzia Energia Faktura

Orokorra

Potentzia

Energia

Faktura

Araudi berria 3/2020 Zirkularra da, urtarrilaren 15ekoa, Merkatuen eta Lehiaren Batzorde Nazionalarena; eta 148/2021 Errege Dekretua, martxoaren 9koa, Trantsizio Ekologikorako eta Erronka Demografikorako Ministerioarena.

3/2020 Zirkularrak tarifa multzoen eta fakturazio terminoen egitura berri bat ezartzen ditu, baita elektrizitatearen garraio- eta banaketa-bidesari berri horien prezioak urtero kalkulatzeko metodologia ere.

148/2021 Errege Dekretuak sistema elektrikoko karguen prezioak ezartzen ditu, baita kapazitateagatiko ordainketen prezioak ere, tarifa multzo bakoitzeko.

Sareak kontsumo eta kostu gutxieneko orduetan erabiltzeko ohitura sustatzea da helburua, horrela kontsumitzaileek aukera izango baitute energia modu efizienteagoan erabiltzeko, sistemaren efizientzia eta ekonomiaren elektrifikazioa hobetzen laguntzen duten bitartean.

Aldaketak 2021eko ekainaren 1etik aurrera aplikatuko dira.

Ez, ez duzu ezertaz kezkatu behar. Iberdrola guztiaz arduratzen da aldaketa horrek ahalik eta arazo gutxien eragin diezazkizun.

Ez, bezeroak bere garaian hautatutako baldintzei eustea da gure konpromisoa. Faktura elektronikoa, jatorri berriztagarriko energia edo kuota finkoaren zerbitzua baldin baduzu, jarraituko duzu zerbitzu horiek guztiak izaten.

Ez, zure kontratua hasteko eta amaitzeko eguna ez dira aldatuko.

Ez, zure potentziak ez dira aldatuko. Potentzia bera kontratatua izaten jarraituko duzu eta bi aldietan aplikatuko da, baina potentzia nahi duzun aldian aldatu ahal izango duzu, zure beharretara egokitzeko.

Bai, noski. 3/2020 Zirkularra indarrean sartu ondorengo 12 hilabeteetan bi potentzia-aldaketa egin ahal izango dituzu, sarera lotzeko eskubideak sortu gabe, eta aurreko 12 hilabeteetan aldaketaren bat egin duzun kontuan hartu gabe. Baina kontratatutako potentzia berriak potentzia zaharren maximoa gainditzen badu, sarbide- eta hedapen-eskubideak ordaindu beharko dituzu.

Kontratatu beharreko potentzia optimoa bezero bakoitzaren kontsumo-ohituren araberakoa izango da.

Bai, zure prezioak aldatu egingo dira, aipatu araudia indarrean jartzen denetik aurrera. Arestian aipatutako aldaketez gain, Ministerioak eta BMBNak araututako kontzeptu ekonomikoak aldatu dira. Erregulatutako kontzeptuen aldaketa hori gorantz edo beherantz helarazi behar zaio bezeroari modu fidelean.

Potentzia igotzeko mugak lehen bezalakoak dira. Potentzia bat baino gehiago izanda, aldi guztietako handiena hartuko da erreferentziatzat, eta horixe erabiliko da zure BIErekin alderatzeko eta dagozkion eskubideak sortzeko.

Bai, aldi bakoitzean nahi adina potentzia kontratatu ahal izango duzu, baldin eta batek ere ez badu 15 kW-tik gorako potentzia. Kasu horretan, 3.0TD sarbide-tarifa izango duzu (15 kW-tik gorako potentziak).

Ez. Kontratatutako potentzia bera automatikoki eramaten denez, ez da aldaketarik sumatuko etxean.

Aukera oso erabilgarria da, ibilgailu elektrikoa edo potentzia handiko beste etxetresna elektriko bat baduzu, adibidez, ur-berogailu bat edo berokuntza elektrikoa. Energia gehiago kontsumitu ahal izango da gauez, prezioa txikiagoa denean, potentzia handiagoa kontratatuz, eta gainerako orduetan potentzia txikiago bat izanez.

Ez duzu kezkatu beharko gehiegizko potentziagatiko zigorrez. Etxeek eta negozio txikiek ICParen (analogikoa edo digitala) bidez eska daitekeen potentzia mugatua dute. Potentzia-kontroleko etengailu hori "jauzi" egingo du kontratatutakoa baino handiagoa den potentzia detektatzen badu, eskatutakoa kontrolatuz. Horri "fusibleak eten egin zaizkit" deitzen diogu. Ezinbesteko hornidura guneek bakarrik, hala nola ospitaleek eta igogailuek, badute ezarritako potentzia gainditzeko ahalmena.

Bai, zure prezioak aldatu egingo dira, aipatu araudia indarrean jartzen denetik aurrera. Arestian aipatutako aldaketez gain, Ministerioak eta BMBNak araututako kontzeptu ekonomikoak aldatu dira. Erregulatutako kontzeptuen aldaketa hori gorantz edo beherantz helarazi behar zaio bezeroari modu fidelean.

Hain zuzen, 3 energia aldi desberdin egongo dira, baina zuk ez duzu kezkatu behar, orain arte izan dituzun aldiak izaten jarraituko duzulako. Nahi izanez gero, www.iberdrola.es webgunea atzi dezakezu Zure Neurrirako Planetan edo 3 aldi berrietan dauden eskaintzak kontsultatzeko.

Noski ezetz. 3 energia-aldiak araututako ordu-egitura dira, baina ez dira kontratatzera behartzen. Iberdrolarekin orain arteko ordutegiez gozatzen jarraituko duzu, baina aldatu nahi baduzu, eskaintza-katalogo zabala jartzen dugu zure eskura, hala nola Zure Neurrirako Planak eta bere ordutegi sustatuak, horiekin zure fakturan aurrezteko.

Bai, noski. Zure Neurrirako Planekin, gehien behar duzun orduetan kontsumitu ahal izango duzu energia, preziorik onenean. Gehien komeni zaizun plana aukeratu baino ez duzu egin behar, eta aurrezten hasiko zara. Gainera, gogoratu % 100ean berriztagarria den energia eta faktura elektronikoa izango dituzula.

Bai. Iberdrolaren konpromisoa da bezeroak bere garaian hautatutako baldintzei eustea. Hori dela eta, energia automatikoki fakturatzen jarraituko dizugu ordutegi horiekin. Baina, nahi izanez gero, bidesari-tarifa berriaren 3 energia-aldietako kontratazio-modalitateak ditugu, deskribatutako egutegiekin.

Zure Neurrirako Planekin gertatzen den bezala, bere sustapen-aldiekin, bidesarien egitura berriak prezio txikiagoak ditu eguneko ordu jakin batzuetan (Haranako aldia). Zure kontsumo-ohiturak ordutegi berri horietara egokitzen badira, fakturan aurreztea lor dezakezu.

Fakturak berdinak izaten segituko duten arren, ekainean bi faktura jasoko dituzu gutun-azal berean (edo mezu elektroniko bidez, Faktura Elektronikoa izanez gero). Fakturetako bat ekainaren 1aren aurretiko egunei dagokiena izango da; bestea, aldiz, ekainaren 1aren ondorengo egunei dagokiena. Eragozpenik ez sortzeko, bi fakturak bankuan kargu bakarrean egin zaizkizun erabaki dugu.

Oro har, kontzeptuak ez dira aldatuko. Egiaztatu ahal izango duzu kontzeptu gehiago izango dituzula, adibidez, fakturatutako potentzia batetik bitara pasatzea.

Bai. Araudi horrek ez die fakturei eragiten, eta horregatik faktura orain arteko maiztasun berarekin jasotzen jarraituko duzu.

Prezioen aldaketa sarbide-tarifaren eta bezero bakoitzaren kontsumo-ohituren araberakoa izango da. Lerro orokorretan egiazta ahal izango duzu potentzia-fakturazioa (termino finkoa) jaitsi egingo dela eta energia-fakturazioa (termino aldakorra) igo egingo dela, eta ohiko fakturazioaren oso antzekoa geratuz.

icono telefono

Lagunduko dizugu?